Raza Musani 
ریاض : سعودی عرب نے سوشل میڈیا پر سخت ترین پابندیاں عائد کردیں۔ اور بادشاہی نظام کیخلاف آوازوں کو کچلنے کیلئے کسی کا تمسخر اڑانے کو جرم قراردیا ہے۔ محکمہ پبلک پراسیکیوشن نے کہا کہ مذہبی اقدار، سماجی آداب یا قومی نظام کو نقصان پہنچانے یا پھر نجی زندگی کی پامالی سے متعلق تمسخر اڑانے والی چیز بنانا یا بھیجنا یا اسے محفوظ کرنا خلاف قانون ہوگا۔ لہٰذا سوشل میڈیا سائٹس یا کمپیوٹر پر اس قسم کی چیزوں کو محفوظ نہ کیا جائے۔ ایسی کسی سرگرمی میں ملوث شخص کو پانچ برس قید اور 30 لاکھ ریال جرمانہ یا ان دونوں میں سے کوئی ایک سزا دی جاسکتی ہے۔ بیان میں کہا گیا کہ دفاتر میں کام کرنے یا آنے والوں کی تصاویر بنانا، ویڈیو تیار کرنا، ان کی تشہیر کرنا، انہیں موبائل کے ذریعے نقصان پہنچانا، سماجی آداب سے ہٹ کر کوئی سرگرمی کرنا یا ٹیکنالوجی استعمال کرکے اس قسم کی چیزیں پھیلانا قابل سزا عمل ہے۔
