Raza Musani 
ایتھنز : یونان کشتی حادثے میں لاپتہ افراد کی تلاش بند کرکے انہیں مردہ قرار دے دیا گیا۔ ان میں پینتیس پاکستانی بھی ہیں اس طرح مرنے والے پاکستانیوں کی تعداد چالیس ہوگئی ہے۔ سرکاری ذرائع کے مطابق لیبیا میں ابھی بھی کم و بیش 5 ہزار پاکستانی موجود ہیں، یورپ جانے کے خواہشمند یہ افراد مختلف پاکستانی و لیبیا کے ایجنٹوں کے پاس ہیں۔ ذرائع کے مطابق یہ پاکستانی قانونی طور پر پاکستان سے ویزہ لے کر لیبیا پہنچے ہیں۔ دوسری جانب فیڈرل انویسٹی گیشن ایجنسی نے یونان کشتی حادثہ کے بعد کریک ڈاؤن کرتے ہوئے پھالیہ سے مبینہ انسانی اسمگلر محمد حسن گرفتار کر لیا ہے۔
