Raza Musani 
غزہ: اسرائیلی فوج کے بھاری جانی نقصان کے بعد قابض افواج نے پسپائی اختیار کرتے ہوئے بڑی تعداد میں ریزرو فورس اور کئی بٹالین کو واپس بلا لیا۔
ادھر خان یونس میں مزاحمت کاروں اور صیہونی فوجیوں میں شدید جھڑپیں جاری ہیں۔ جس میں غاصب فوج کو شدید نقصان پہنچا ہے۔ مزاحمت کاروں نے زمین سے فضا میں مار کرنے والے راکٹ سے اسرائیل کے اپاچی ہیلی کاپٹر کو نشانہ بنایا۔ جبکہ بیت لاہیہ میں اسرائیل کے جدید ترین ڈرون اسکائی لارک ٹو کو ہیک کرکے زمین پر اتارلیا۔
صیہونی جنگی طیاروں نے رات گئے غزہ کے مشرقی ضلع زیتون میں شہریوں کے ایک گروپ کو نشانہ بنایا۔حملے میں کئی شہری شہید اور زخمی ہوئے۔ المغازی اور نصیرات پناہ گزین کیمپوں پر حملے میں بھی فلسطینی زخمی ہوئے۔
نیا سال شروع ہوتے ہی مزاحمت کاروں نے اسرائیلی شہروں پر میزائل داغ دئے۔ تل ابیب، گش دان اور غزہ کے گردونواح میں سائرن بج اٹھے۔ اسرائیلی میڈیا کے مطابق تل ابیب پر 20 سے زیادہ میزائل داغے گئے۔ جن میں سے 10 کو گرادیا گیا۔
