Raza Musani 
بیروت : لبنانی وزیراعظم نواف سلام نے کہا ہے کہ دریائے لیطانی کے جنوب میں ہتھیاروں کی موجودگی چند دنوں میں ختم ہو جائے گی۔
لبنانی وزیراعظم نے کہا کہ اسرائیل کے ساتھ جنگ بندی معاہدے کے تحت دریائے لیطانی کے جنوبی علاقے میں ہتھیاروں کی موجودگی کو ختم کرنے کا منصوبہ تکمیل کے قریب ہے اور ریاست دوسرے مرحلے کی طرف منتقلی کے لیے تیار ہے۔ نواف سلام نے لبنانی فوج کو تمام ضروری مدد فراہم کرنے کی ضرورت پر زور دیا تاکہ وہ اپنی قومی ذمہ داریاں پوری کر سکے۔
اس سے پہلے لبنانی، اسرائیلی اور امریکی حکام نے جنوبی قصبے نقورہ میں ایک اجلاس منعقد کیا جس کا مقصد اسرائیل اور حزب اللہ کے درمیان نئے سرے سے تنازع کو روکنا تھا.
