Raza Musani 
رام اللہ : فلسطینی صدر محمود عباس نے نومنتخب امریکی صدر ڈونلڈ ٹرمپ کو ٹیلی فون کرکے ان کے ساتھ کام کرنے پر آمادگی کا اظہار کیا۔ محمود عباس نے ڈونلڈ ٹرمپ کو الیکشن میں کامیابی پر مبارک باد پیش کی۔ اور غزہ میں امن کے لیے مل کر کام کرنے پر آمادگی کا اظہار کیا۔ محمود عباس نے ٹرمپ کو بتایا کہ وہ بین الاقوامی قانونی جواز پر مبنی پائیدار اور جامع امن کے حصول کے لیے ان کے ساتھ کام کرنے کے لیے تیار ہیں۔ ٹرمپ نے محمود عباس کو یقین دلایا کہ وہ غزہ میں جاری تنازعہ کو ختم کرنے کے لیے پرعزم ہیں اور خطے میں امن کے فروغ کے لیےان کے اور دیگر متعلقہ فریقوں کے ساتھ مل کر کام کریں گے۔
