لویہ جرگہ کا عالمی برادری سے ایک مرتبہ پھر طالبان حکومت تسلیم کرنے کا مطالبہ

کابل : افغانستان میں لویہ جرگہ نے عالمی برادری سے ایک مرتبہ پھر طالبان حکومت تسلیم کرنے کا مطالبہ کیاہے۔ کابل میں تین روزہ جرگہ کے اختتام پر مختلف قراردادیں منظور کی گئیں۔ قراداد میں مطالبہ کیا گیا کہ تمام ممالک خصوصاً اسلامی ملک، امارت اسلامی افغانستان کو تسلیم کریں۔عالمی برادری افغانستان پر تمام پابندیاں ختم کر کے افغان اثاثے بحال کرے۔ شرکا نے اتفاق کیا کہ موجودہ افغان حکومت کے خلاف مسلح مخالفت بغاوت تصور کی جائے گی۔ لویہ جرگہ میں منظور کی گئی قرارداد کے مطابق افغانستان میں قومی اتحاد کو ترغیب دینے پر مکمل اتفاق رائے پایا گیا۔قرارداد میں کہا گیا کہ امارت اسلامی کی دوسرے ممالک میں مداخلت کی پالیسی نہیں، دوسرے ممالک بھی افغانستان کے معاملات میں مداخلت نہ کریں۔افغان رہنماؤں نے کہا کہ منشیات کے خلاف امارت اسلامی کے فرمان کی حمایت ہونی چاہیے۔