اسرائیل میں یہودیوں کی آبادی 47 فیصد، اقلیت اکثریت پر حکمران ہے، اسرائیلی ماہر

تل ابیب: آبادی کے اسرائیلی ماہر کا کہنا ہے کہ یہودی اب اسرائیل اور ملحقہ علاقوں میں 47 فیصد ہیں۔ انہوں نے دعویٰ کیا کہ زیادہ تر اسرائیلی آبادی اس جمہوری خطرے سے بے خبر ہے جس میں ملک ممکنہ طور پر حکمران اقلیت بنتے جارہا ہے ۔ حیفہ یونیورسٹی میں جغرافیہ کے پروفیسر آرنون سوفر نے آرمی ریڈیو کو بتایا کہ یہودیوں اور عرب آبادیوں کے علاوہ انہوں نے اسرائیل میں مقیم لاکھوں غیر یہودیوں کو بھی مدنظر رکھ کراپنے اعداد و شمار بنائے ہیں جو کہ شہری نہیں ہیں۔سوفر کے مطابق 74 لاکھ 50 ہزاریہودی اور 75 لاکھ 30 ہزار عرب اسرائیلی اور فلسطینی رہتے ہیں جسے میں اسرائیل کی سرزمین کہتا ہوں یعنی اسرائیل کے علاوہ مغربی کنارے اور غزہ کی پٹی۔انہوں نے دعویٰ کیا کہ جب غیر اسرائیلی شہریوں کی تعداد پر غور کیا جائے تو یہ یہودیوں کا تناسب کل کے 46فیصد اور 47فیصد کے درمیان رہ جاتا ہے۔