Raza Musani 
کربلا : اربعین میں شرکت کیلئے لاکھوں غیر ملکی زائرین زمینی اور فضائی راستوں سے عراق پہنچ رہے ہیں۔ جن میں بڑی تعداد ایرانی زائرین کی ہے۔ رواں سال چینی زائرین کی بھی بڑی تعداد کربلا پہنچی ہے۔ کچھ چینی شہریوں نے بھی کربلا کے راستے میں زائرین کی خدمت کے لئے موکب لگایا ہے۔ کربلا کے گورنر نصیف الخطابی کا کہنا تھا کہ رواں سال اربعین کیلئے تین کروڑ ملکی اور غیر ملکی زائرین کربلا میں داخل ہوں گے۔ زائرین کی کربلا کی طرف آمد و رفت جاری ہے۔ نجف اور کربلا کے درمیان انسانوں کا ایک سیلاب امڈ آیا ہے۔ بصرہ سے نجف کے درمیان ایرانی زائرین کا سیل رواں ہے۔ نصیف الخطابی نے کہا کہ کربلا جانے والے راستوں کی بندش کی خبریں درست نہیں، زائرین کی رفت و آمد معمول کے مطابق جاری ہے۔
