غزہ میں موت و تباہی کا کھیل جاری، 1200 سے زائد شہادتیں، 326 بچے اور 470 خواتین شامل

غزہ: اسرائیل نے غزہ میں موت و تباہی کا کھیل تیز کردیا۔ واحد پاور پلانٹ بند ہونے سے غزہ میں المیہ جنم لینے کا خدشہ۔ رات بھر جنگی طیاروں نے خان یونس۔ الصابرہ اور وسطیٰ غزہ کے مختلف علاقوں پر فضائی حملے کیے۔ علاقوں پر بم برسائے گئے۔ صبح جبالیہ کیمپ کو نشانہ بنایا۔ گذشتہ چوبیس گھنٹوں میں پچاس سے زائد فلسطینی شہید اور کئی زخمی ہوگئے۔ مجموعی شہادتیں بارہ سو سے زائد ہوگئی ہیں۔ فلسطینی وزارت صحت کے مطابق حملوں میں پانچ ہزار چھ سو سے زائد افراد زخمی ہوئے۔ شہدا میں 326 بچے اور 470 خواتین بھی شامل ہیں۔ واحد پاور پلانٹ بند ہونے سے صورتحال المناک ہوگئی۔ اسپتال زخمیوں سے بھرگئے۔ ڈاکٹروں اور طبی عملے نے ایس او ایس کال دیدی۔
مسلسل ناکہ بندی کے باعث شہر میں خوراک اور ادویات کی قلت شدت اختیارکر گئی۔ اقوم متحدہ کے مطابق صرف غزہ میں تین لاکھ اڑتیس ہزار افراد بے گھر ہوچکے ہیں۔ دنیا کے گنجان ترین علاقے میں ہرطرف اسرائیلی جنگی جرائم کے شواہد بکھرے ہوئے ہیں۔