Raza Musani 
آکلینڈ: نیوزی لینڈ میں 6 ماہ کے دوران کورونا وائرس سے متاثرہ پہلا شخص چل بسا،90 سالہ خاتون کی ہلاکت آکلینڈ کے ایک ہسپتال میں ہوئی تاہم وہ دیگر بیماریوں میں بھی مبتلا تھیں، نیوزی لینڈ میں6ماہ کے دوران کورونا سے ہونے والی یہ پہلی ہلاکت ہے، وزیراعظم جیسنڈا آرڈرن نے کہا کہ خاتون کی ہلاکت ایک افسوسناک یاد دہانی ہے کہ حفاظتی اقدامات اختیار کرنا کیوں انتہائی اہم ہے، کورونا کی وبا کے پھیلاؤ کے بعد سے اب تک 27 افراد ہلاک ہو چکے ہیں،6ماہ کے وقفے سے اگست کے وسط میں کورونا وائرس کا پہلا کیس سامنے آیا تھا جس کے بعد ملک بھر میں لاک ڈاؤن نافذ کر دیا گیا تھا، اس کے بعد سے 782 کیسز ریکارڈ کیے جا چکے ہیں جن میں سے زیادہ تر آکلینڈ شہر میں سامنے آئے تھے۔
