Raza Musani 
برلن : روس سے ایندھن کی برآمدات پر پابندی لگانے والے یورپی ممالک کو لینے کے دینے پڑ گئے۔گیس کی قلت کے سبب اس کی قیمتیں آسمان پر جاپہنچی ہیں۔ موسم سرما کی آمد کے پیش نظر یورپی ممالک میں شہریوں نے ابھی سے گیس کی خریداری شروع کردی ہے جس کے سبب مالڈوا سمیت کئی ممالک میں لمبی لمبی قطاریں دکھائی دے رہی ہیں۔ کئی یورپی حکومتوں نے روس سے گیس کی فراہمی میں کمی کی وجہ سے کوئلہ کے بند پلانٹس چلانے کی درخواست کردی ہے۔ کوسوو کی وزارت توانائی نے پڑوسی ملک البانیہ سے توانائی کی درآمدات کی ضمانت کا سہارا لیا ہے۔ وہ پہلے ہی کوئلے سے اپنی 90 فیصد توانائی فراہم کر رہا ہے۔
