Raza Musani 
بیروت: حزب اللہ کے نائب سیکریٹری جنرل شیخ نعیم قاسم نے کہا ہے کہ غاصب صیہونی حکومت اس وقت تک کریش گیس فیلڈ میں سرمایہ کاری نہیں کرسکتی جب تک لبنان اپنے سمندری وسائل حاصل نہیں کرلیتا، لبنانی حق کےلئے بھیک مانگنے کا دور ختم ہوگیا ہے۔ شیخ نعیم قاسم نے بیروت میں علماء سے خطاب میں کہا کہ آج لبنان غیر مستقیم طور پر صیہونی ریاست کے ساتھ مقاومت کی طاقت کے بل بوتے پر مذاکرات کر رہا ہے۔ انہوں نے لبنان میں جاری بحران سے نمٹنے کےلئے جلد سے جلد کابینہ کی تشکیل پرزور دیتے ہوئے کہا کہ موجودہ وزارتی لائن اپ سے استفادہ کرنا چاہیے۔ شیخ نعیم قاسم نے ملکی اتحاد کی اہمیت کے بارے میں کہا کہ ان سے نئے صدر کے انتخاب اور روشن مستبقل میں مدد ملے گی۔انہوں نے امریکی نمائندے ہوشٹین کے دورہ بیروت کے بارے میں کہا کہ وہ اب بیروت نہیں آئیں گے، لبنانی حکام اسی کی بارڈر تجاویز کے جواب کی تیاری کررہے ہیں۔
