Raza Musani 
کابل : افغانستان کی طالبان حکومت نے امریکا سے تمام اثاثے بغیر شرط جاری کرنے کا مطالبہ کردیا۔ افغان ترجمان ذبیح اللّٰہ مجاہد کا کہنا ہے کہ افغان عوام کے اثاثے امریکا نے چھینے ہوئے ہیں اور ان پر قبضہ کیاہوا ہے۔ امریکا افغان عوام کے اثاثوں کا مالک نہیں۔ امریکا نے افغان مرکزی بینک کے 7 ارب ڈالر کے اثاثے امریکا میں ہی منجمد کیے ہوئے ہیں۔ تمام اثاثے بغیر شرط جاری کیے جائیں۔چین نے طالبان حکومت کی حمایت کرتے ہوئے کہا ہے کہ افغان مرکزی بینک کے امریکا میں منجمد اثاثے افغانستان کی ملکیت ہیں۔ یہ اثاثے افغانوں کی زندگیوں کے تحفظ کے لیے ضروری ہیں۔ افغان منجمد اثاثوں کی فوری اور مکمل ادائیگی ہونی چاہیے۔امریکا، افغانستان میں امن و استحکام کے لیے اپنی ذمہ داریاں ادا کرے۔
