Raza Musani 
بغداد : عراقی سپریم کورٹ نے پارلیمنٹ کی تحلیل سے متعلق کیس کا فیصلہ 7 ستمبر تک موخر کردیا۔ گذشتہ روز سپریم فیڈرل کورٹ نے اس بات کا اعلان ایک ٹوئٹ میں کیا۔ ایک اور ٹوئٹ میں عدالت نے واضح کیا کہ پارلیمنٹ سے متعلق بحث کا سیشن عدالت کے ٹرائل روم میں نہیں بلکہ صدر کے کمرے میں ہوا تھا۔ فیڈرل کورٹ کو عراقی آئین کے آرٹیکلز کی تشریح کرنے کا کام سونپا گیا ہے اور اس کا فیصلہ سب کے لیے پابند ہے اور اس کے خلاف اپیل نہیں کی جا سکتی۔ عدالت نے اسی معاملے پر گزشتہ دو سیشنز 17 اگست اور 30 اگست کو ملتوی کر دیے تھے۔
