Raza Musani 
مقبوضہ بیت المقدس: اسرائیل میں صیہونی آباد کار نے سرعام مصروف سڑک پر فلسطینی نوجوان کو گولیاں مار کر شہید کردیا۔ مقبوضہ فلسطین میں صیہونی درندگی کا واقعہ ناصرت شہر کے جنوبی گاؤں سندالا کے قریب پیش آیا۔ سوشل میڈیا پر وائرل ویڈیو میں دیکھا جاسکتا ہے کہ صیہونی آبادکار نے فلسطینی نوجوان کو گاڑی سے باہر نکالا اور مارپیٹ شروع کردی۔ نوجوان جان بچا کر واپس اپنی گاڑی میں بیٹھ گیا۔ آبادکار نے فوری طور پر پستول نکال کر گولیاں برسادیں۔ شہید نوجوان کی شناخت 20 سالہ دیار عمری کے نام سے ہوئی ہے۔ فلسطینی وزیر اعظم محمد شطیہ نے بین الاقوامی اداروں اور تنظیموں سے مطالبہ کیا ہے کہ وہ مقبوضہ اراضی میں صیہونی جرائم روکنے کیلئے مداخلت کریں اور اس پر دباؤ ڈالیں۔ انہوں نے کہا کہ صیہونی حکومت کے تمام جرائم کو دی ہیگ کی بین الاقوامی فوجداری عدالت میں دائر مقدمے میں شامل کیا جائے گا۔
