Raza Musani 
غزہ: صیہونی جنگی طیاروں کے غزہ پر وحشیانہ حملوں کا سلسلہ جاری ہے۔ بمباری سے مزید سو سے زائد فلسطینی شہید اور درجنوں زخمی ہوگئے۔ صیہونی جنگی طیاروں نے جبالیہ۔ تل الحوا اور خان یونس کے رہائشی علاقوں کو نشانہ بنایا۔ جبکہ النصیرات پناہ گزین کیمپ پر بھی بمباری کی گئی۔ بمباری سے کئی عمارتیں ملبے کا ڈھیر بن گئیں۔ایک مسجد بھی زمین بوس ہوگئی۔ صیہونی حملوں میں منگل اور بدھ کی درمیانی شب شہید ہونیوالوں کی تعداد سو سے تجاوز کرگئی ہے۔ درجنوں افراد زخمی ہوئے ہیں۔
منگل کا دن غزہ میں سب سے خونریز رہا۔ گذشتہ روز سات سو چار فلسطینی صیہونی درندگی کا شکار ہوئے تھے۔ اسرائیلی درندگی کا شکار شہدا کی تعداد 6 ہزارسےتجاوز کرگئی ہے۔ جبکہ 15 ہزار سے زائد زخمی ہیں۔ متاثرین میں 70 فیصد بچے، خواتین اور بزرگ شامل ہیں۔ صیہونی فوج نے رات گئے مقبوضہ مغربی کنارے میں جنین پناہ گزین پر چھاپہ مارا۔ جھڑپوں کے بعد صیہونی فوج نے ڈرون سے فسلطینیوں کو نشانہ بنایا۔ حملے میں تین فلسطینی شہید اور بیس زخمی ہوگئے۔ جھڑپوں کے دوران بھی دو فلسطینی شہید ہوگئے۔
