Raza Musani 
غزہ : صیہونی فوج غزہ سٹی میں پیشقدمی کرتے ہوئے شہر کے مرکز کے قریب پہنچ گئی۔ شدید بمباری اور گولہ باری سے چوبیس گھنٹوں میں باون فلسطینی شہید اور کئی زخمی ہوگئے۔
صیہونی فوج نے غزہ سٹی میں شدید حملے کئے۔ خان یونس۔ دیرالبلاح۔ الزیتوں اور الصابرہ میں شدید حملے کئے گئے۔ فضائی اور زمینی حملوں میں مکانات، خیموں اور رہائشی مقامات کو حملوں کا نشانہ بنایا۔ حملوں میں بڑے پیمانے پر جانی نقصان ہوا ہے۔
صیہونی فوجی نقل مکانی کرنیوالوں کو بھی نشانہ بنارہی ہے۔ شدید بمباری اور گولہ باری سے بچنے کیلئے لوگ جنوب کی جانب فرار ہورہے ہیں۔ اب تک چار لاکھ افراد غزہ سٹی سے نکل چکے ہیں جبکہ لاکھوں افراد اب بھی پھنسے ہوئے ہیں۔
