پاراچنار جانے والے قافلے پر بگن کے مقام پر دہشتگردوں کا حملہ

پاراچنار: پاراچنار جانے والے گاڑیوں کے قافلے پر ایک بار پھر فائرنگ کردی گئی جس کے باعث قافلہ واپس آگیا۔ سیکیورٹی حصار کے باوجود دہشتگردانہ کارروائی حکومتی رٹ پر سوالیہ نشان ہے۔
پاراچنار کے تاجروں کے کروڑوں روپے کے سامان کے قافلے پر بگن کے مقام پر دہشتگردوں نے حملہ کیا۔
ابتدائی اطلاعات کے مطابق لوئر کرم کے علاقہ بگن میں پاراچنار جانے والے گاڑیوں پر ایک بار پھر فائرنگ کا واقعہ پیش آیا ہے، 35 گاڑیوں پر مشتمل قافلہ پاراچنار کی جانب گامزن تھا کہ دہشتگردوں نے گاڑیوں پر فائرنگ کی جس کے باعث قافلے کو رکنا پڑا۔ بعدازاں گاڑیاں واپس روانہ ہوگئیں۔ کرم جانے والا یہ تیسرا قافلہ تھا۔
واضح رہے کہ پاراچنار 107 دن سے محاصرے میں ہے۔ شدید سردی، بھوک اور ادویات کی قلت کے وجہ سے 250 سے زائد شہری شہید ہوچکے ہیں۔