عارضی اخراجات کا بل مسترد، امریکی حکومت کے شٹ ڈاؤن کا خطرہ

واشنگٹن : امریکی کانگریس میں عارضی اخراجات کا بل مسترد ہونے پر امریکی حکومت آج رات سے شٹ ڈاؤن ہوجائے گی۔ امریکی حکومت اور اراکین پارلیمنٹ کے درمیان اختلافات آخری وقت تک دور نہ ہوسکے اور ایوان نمائندگان میں ریپبلکنز نے حکومت کیلئے عارضی فنڈنگ کا بل مسترد کر دیا۔ بل کے حق میں 198 جبکہ مخالفت میں 232 ووٹ پڑے۔ بل کی منظوری سے حکومتی فنڈنگ میں 30 دن کی توسیع ممکن تھی۔ شٹ ڈاؤن سے وفاقی ایجنسیاں جزوی طور پر بند اور 40 لاکھ وفاقی ملازمین کو تنخواہوں کی ادائیگی میں خلل پڑے گا۔ وزارت دفاع کے تیرہ لاکھ ملازمین بھی بغیر تنخواہ کے کام کریں گے۔ اسپیکر کیون میک کارتھی نے کہا کہ چیمبر اب بھی قدامت پسندانہ پالیسیوں کے بغیر فنڈنگ میں توسیع پاس کر سکتا ہے لیکن انہوں نے یہ بتانے سے انکار کر دیا کہ آگے کیا ہو گا۔ بائیڈن نے خبردار کیا کہ شٹ ڈاؤن سے مسلح افواج کو بھاری نقصان اٹھانا پر سکتا ہے۔ ایک دہائی میں یہ چوتھا شٹ ڈاؤن ہوگا اور اسی طرح کا شٹ ڈاؤن صرف چار ماہ پہلے بھی ہوا تھا۔