پاکستانی اور ایرانی وزرائے خارجہ کی ٹیلی فونک گفتگو

تہران : ایران کے وزیر خارجہ حسین امیر عبداللہیان نے پاکستانی ہم منصب بلاول بھٹو زردادری سے ٹیلی فون پر گفتگو میں باہمی دلچسپی کے امور پر تبادلۂ خیال کیا۔ایرانی ترجمان وزارت خارجہ کے مطابق حسین امیر عبد اللہیان نے اپنے پاکستانی ہم منصب بلاول بھٹو زرداری سے ٹیلیفونک گفتگو میں حضرت شاہ چراغ کے حرم مطہر میں ہوئے دہشتگردانہ حملے کی مذمت کرنے پر قدردانی کی۔
ساتھ ہی انہوں نے ایک بار پھر سیلاب سے متاثرہ پاکستانی شہریوں کے ساتھ اظہار ہمدردی کرتے ہوئے حکومت پاکستان اور عوام کی ہر ممکن مدد کے لئے آمادگی کا اعادہ کیا۔ انہوں نے دونوں ممالک کے تعلقات پر خوشی کا اظہار کرتے ہوئے افغانستان بالخصوص وہاں کے تارکین وطن کے مسائل کے سلسلے میں مشترکہ تعاون پر زور دیا۔ بلاول بھٹو زرداری وزیر خارجہ پاکستان نے بھی دوطرفہ دوستانہ اور تاریخی تعلقات کا حوالہ دیتے ہوئے عالمی مسائل میں آپسی تعاون کے فروغ پر زور دیا۔ انہوں نے کہا کہ پاکستان کی حکومت اعتراض کرنے کے لئے ہر قسم کے انتہاپسندانہ اقدام کا سہارا لینے کے خلاف ہے۔