Raza Musani 
کابل: افغانستان کی طالبان حکومت نے ملک چھوڑنے والے تمام افغانوں کو واپسی کی دعوت دیدی۔افغانستان کے قائم مقام وزیراعظم ملا محمد حسن اخوند نے اعلان کیا ہے کہ طالبان کے امیر ہبت اللّٰہ اخوند زادہ سب کے لیے عام معافی کا اعلان کر چکے ہیں۔ واپس آنے والوں کو کسی قسم کا نقصان نہیں پہنچے گا۔۔ اپنے آباؤ اجداد کی سرزمین پر واپس جائیں اور امن سے رہیں۔ ملا محمد حسن اخوند نے کہا کہ حکام کو ہدایت کی گئی ہے کہ وہ واپس آنے والے شہریوں کے لیے مناسب خدمات اور پناہ گاہ فراہم کریں اور ان کے دوبارہ انضمام میں سہولت فراہم کریں۔انہوں نے علمائے کرام سے کہا کہ سلامتی اور شرعی نظام اللہ کی عظیم نعمت ہیں جن کی قدر کرنی چاہیے۔
