طالبان کے اقدامات سے لڑکوں کی تعلیم کو بھی خطرہ ہے، ہیومین رائٹس واچ

کابل: انسانی حقوق کی تنظیموں نے طالبان کے اقدامات تعلیم دشمن قرار دے دیے۔ انسانی حقوق کی تنظیم ہیومین رائٹس واچ نے اپنی نئی رپورٹ میں طالبان کی جانب سے اسکولوں میں کی جانے والی سختیوں کا ذکر کیا ہے۔ تنظیم نے 22 لڑکوں اور ان کے والدین کا انٹرویو کیا جنہیں ہئیر اسٹائل ،کپڑوں اور موبائل فون رکھنے پر اسکولوں میں تشدد کا نشانہ بنایا گیا۔ طالبان نے اسکولوں میں آرٹ، اسپورٹس، انگریزی اور شہریات جیسے مضامین پر پابندی لگادی ہے ان اقدامات سے نہ صرف لڑکیوں بلکہ لڑکوں کی تعلیم کو بھی ناقابل تلافی نقصان پہنچنے کا خدشہ ظاہر کیا جا رہا ہے۔