شام: مارکیٹ میں دھماکے سے 19 افراد ہلاک، متعدد زخمی

دمشق: شام کے شمالی علاقے میں مارکیٹ میں دھماکے سے 19 افراد ہلاک اور کئی زخمی ہوگئے۔ دھماکا ترکیہ کے نزدیک سرحدی قصبے الباب میں ہوا۔ یہ علاقہ ترک حکومت کے حامی شامی جنگجوؤں کے زیرقبضہ ہے۔ انسانی حقوق کی تنظیم نے الزام لگایا ہے کہ شامی افواج نے توپ خانے کا استعمال کیا جس کا ایک گولہ سرحدی قصبے الباب کی ایک مصروف مارکیٹ میں گرا۔ جس کی شامی حکومت کے ترجمان نے تردید کی ہے۔ دھماکے میں زخمی ہونے والے متعدد افراد کی حالت نازک ہے۔ حکام نے ہلاکتوں میں اضافے کا خدشہ ظاہر کیا ہے۔