Raza Musani 
سری نگر: مقبوضہ کشمیر میں بھارتی فوج کی ریاستی دہشت گردی میں مزید ایک اور نوجوان شہید ہوگیا جس کے بعد دو ہفتوں میں شہید ہونے والوں کی تعداد 10 ہوگئی۔ عینی شاہدین کا کہنا ہے کہ سرحد پر گشت پر مامور بھارتی بارڈر فورس کے اہلکاروں نے نوجوان کو روکنے کا اشارہ کیا نہ رکنے پر سیکیورٹی اہلکاروں نے نوجوان کو مسلح سمجھ کر گولیاں برسادیں۔ہلاکت کے بعد نوجوان کی تلاشی لی گئی تو اسلحہ یا کوئی بھی ممنوعہ سامان برآمد نہ ہوا۔ نوجوان کی تاحال شناخت ظاہر نہیں کی گئی۔ بھارتی بارڈر سیکیورٹی فورس نے واقعے کی تفتیش کے لیے انکوائری کمیٹی تشکیل دیدی۔
