Raza Musani 
میڈرڈ : ہسپانوی پارلیمنٹ نے اسرائیل کے خلاف ہتھیاروں کی پابندی کے بل کی منظوری میں تیزی لانے کا فیصلہ کیا ہے۔ اسپین کی مختلف سیاسی جماعتوں کے نمائندوں نے کانگریس کے بیورو کو ایک پٹیشن جمع کرائی ہے جس میں اسرائیل کے خلاف اسلحہ کی پابندی کے بل کی منظوری میں تیزی لانے کا مطالبہ کیا گیا۔ وزیر اعظم پیڈرو سانچیز کی سوشلسٹ پارٹی کی طرف سے بھی ٹائم لائن کو آدھا کرنے اور عمل کو تیز کرنے درخواست کو منظور کر لیا گیا ہے۔ یہ اقدام بیس مئی کو پارلیمنٹ کی جانب سے ایک غیر پابند تحریک کی منظوری کے بعد ہوا جس میں حکومت پر زور دیا گیا کہ وہ اسرائیل پر ہتھیاروں کی پابندی عائد کرے۔
