کچھ لوگ پُرامن دھرنوں کو سبوتاژ کرنا چاہتے ہیں، علامہ حسن ظفر نقوی

کراچی : نمائش چورنگی پر جاری مرکزی دھرنے کے شرکاء سے خطاب میں علامہ حسن ظفر نقوی نے کہا ہے کہ میڈیا پر سڑکیں بلاک ہونے اور شہریوں کی تکلیف کی جھوٹی خبریں چلائی جا رہی ہیں۔ یہ حکومت مکر و فریب کی حکومت اور یہ میئر مسلط کردہ میئر ہے۔ صوبائی حکومت سے کہتا ہوں کہ ایسے بیانات دینے والوں کو لگام دیں۔ انہوں نے کہا کہ چالیس سال سے ہمارے ساتھ جو ہو رہا ہے وہ ہم ہی جانتے ہیں۔ لوگوں کی تکلیف کی بات کرنے والوں کبھی ٹینکر مافیا سے عوام کو پہنچنے والی تکلیف پر بات نہیں کرتے۔ کچھ لوگ پر امن دھرنوں کو سبوتاژ کرنے کی کوشش میں لگے ہیں۔
انہوں نے کہا کہ سرد راتوں میں یہاں بیٹھے معصوم بچے، خواتین و بزرگ ارباب اختیار تک اپنی آواز پہنچانے کیلئے بیٹھے ہیں۔ پاراچنار والے اپنے کھانے پینے کا بندوبست خود کر لیں گے، حکومت بس راستے کو کھلواۓ۔