Raza Musani 
غزہ : صیہونی فوج نے رفح میں ایک بار پھر امداد کے منتظر بھوکے متاثرین کا قتل عام کردیا۔ صیہونی فوج کی وحشیانہ کارروائی میں مزید تئیس فلسطینی شہید اور دو سو سے زائد زخمی ہوگئے۔ عینی شاہدین اور مقامی نامہ نگاروں کے مطابق اسرائیلی توپ خانے اور جنگی طیاروں نے رفح کے مغرب میں العالم گول چکر کے قریب امدادی تقسیم کے مرکز کے قریب جمع ہجوم کو نشانہ بنایا۔
ادھر صیہونی فوج نے غزہ کے دیگر علاقوں پر بھی حملے کئے ہیں جس کے نتیجے میں بائیس فلسطینی شہید اور کئی زخمی ہوگئے۔ چوبیس گھنٹوں کے دوران صیہونی حملوں میں خواتین اور بچوں سمیت پینتالیس فلسطینی شہید کردئے گئے۔
دوسری جانب اسرائیلی فوج نے جنوبی خان یونس کے متعدد علاقوں میں فلسطینیوں کو انخلاء کا حکم دیا ہے۔
