Raza Musani 
بغداد : حشعد الشعبی نے اربعین کے موقع سے عراق میں سیکیورٹی انتہائی سخت کردی ہے اور زائرین کے تحفظ کیلئے دہشت گردوں کے خلاف کامیاب کارروائیاں کی جارہی ہیں۔ الحشد الشعبی کی 110 ویں ڈویژن نے کربلا جانے والے زائرین کے راستے کے لیے سیکیورٹی پلان سنبھال لیا ہے۔ حشعد الشعبی کے ہزاروں ارکان دوسری فورسز کے ساتھ زائرین کے تحفظ میں مصروف ہیں۔ خانقین کی سرحدوں سے لے کر حوض حمرین تک حفاظتی انتظامات سخت کردئے گئے ہیں۔ زائرین کے قافلوں کی حفاظت اور راستوں کے اطراف میں حفاظتی گشت بھی سیکیورٹی پلان میں شامل ہیں۔ بغداد کے مضافاتی علاقے الطارمیہ اور اطراف کی شاہراہوں کو محفوظ بنایا جا رہا ہے۔ ادھر سامرا میں داعش کے دہشت گردوں کی کارروائی کو ناکام بنا دیا گیا ہے۔ دہشت گردوں نے سامرا کے علاقے سید غریب میں فوجیوں اور شہریوں کو نشانہ بنانے کی کوشش کی جسے حشعد الشعبی نے ناکام بناکر دہشت گردوں کو بھاگنے پر مجبور کردیا۔ الحشد الشعبی نے ایک اور کارروائی میں نینوا میں واقع عدایہ پہاڑیوں سے بھی داعشی عناصر کا صفایا کردیا ہے۔
