Raza Musani 
نیویارک : اقوام متحدہ کی سلامتی کونسل نے اسرائیل کا نام لئے بغیر دوحہ پر حملوں کیخلاف مذمتی قرارداد منظور کرلی۔ برطانیہ اور فرانس کی تیار کردہ قرارداد کی امریکا سمیت تمام پندرہ ممالک نے حمایت کردی۔
قرارداد میں کونسل کے ارکان نے کشیدگی میں کمی کی اہمیت پر زور دیا ہے اور قطر کے ساتھ اپنی یکجہتی کا اظہار کیا۔ جبکہ یرغمالیوں کی رہائی اور غزہ میں مصائب کے خاتمے کو اولین ترجیح قرار دیا گیا ہے۔ بیان میں قطر کی خودمختاری اور علاقائی سالمیت کی حمایت کی یقین دہانی کرائی گئی ہے اور کہا گیا ہے کہ یرغمالیوں کی رہائی اور غزہ میں جنگ و مصائب کا خاتمہ ہماری اولین ترجیح رہنی چاہیے۔
