غزہ میں اسکول مکمل طور پر تباہ ہو چکے ہیں، فلپ لازارینی

جنیوا : اقوام متحدہ کی ایجنسی انروا کے سربراہ فلپ لازارینی نے کہا ہے کہ غزہ میں اسکول مکمل طور پر تباہ ہو چکے ہیں اور لوگ ملبے کے ڈھیر میں زندگی گزارنے پر مجبور ہیں۔لازارینی نے ایک ویڈیو بیان میں کہا کہ غزہ کے عوام کی روز مرہ کی سب سے بڑی جدوجہد کھانے اور پانی کی تلاش ہے کیونکہ تعلیمی ادارے اور رہائشی ڈھانچے ملبے میں تبدیل ہو گئے ہیں۔ تاہم انہوں نے اس بات پر زور دیا کہ تباہی کے باوجود انروا اپنی سرگرمیاں جاری رکھے ہوئے ہے۔ ایجنسی کے اسکول کھلے ہیں، صحت مراکز فعال ہیں اور آبادی کو اہم سہولیات پہنچانے کا عمل بھی جاری ہے۔