Raza Musani 
جدہ : سعودی اہلکاروں کا حقوق کے دفاع میں بھوک ہڑتال کرنے والی لڑکی پر بہیمانہ تشدد سامنے آگیا۔ سوشل میڈیا پر وائرل ویڈیو میں دیکھا جاسکتا ہے کہ سیکیورٹی اہلکار لڑکیوں کے یتیم خانے پر دھاوا بولنے کے بعد اپنے حقوق کے دفاع میں بھوک ہڑتال کرنے والی لڑکی کو بہیمانہ انداز میں ہتھکڑی اور بیڑی پہنانے کی کوشش کر رہے ہیں۔ سیکیورٹی اہلکاروں نے تمام تر انسانی اور اسلامی قوانین بالائے طاق رکھتے ہوئے نہایت سفاکیت اور بے شرمی کا مظاہرہ کیا۔ خمیس مشیط صوبے میں واقع یتیم خانے میں قید لڑکیوں نے اپنے کچھ حقوق کا مطالبہ کیا تھا جنہیں حکومتی عہدے داروں نے مسترد کر دیا۔ حکومت کے اس اقدام پر احتجاج کرتے ہوئے اُن لڑکیوں نے بھوک ہڑتال شروع کر دی۔
