شام میں روس کا فضائی حملہ، 13 دہشت گرد ہلاک، متعدد زخمی

دمشق: شام میں روس کے فضائی حملے میں 13 دہشت گرد مارے گئے اور کئی زخمی ہوئے۔سیریئن آبزرویٹری فار ہیومن رائٹس کے مطابق روس نے شمال مغربی شام کے شہر ادلب میں تحریر شام محاذ کے ہیڈ کوارٹر کو نشانہ بنایا۔ ھیئہ تحریر الشام (سابقہ النصرہ فرنٹ) جو کہ القاعدہ سے منسلک تھی ادلب کے بڑے علاقوں اور لطاکیہ، حما اور حلب کی گورنری کے ملحقہ علاقوں کو اب بھی کنٹرول کرتی ہے۔ ادلب اور اس کے آس پاس کے علاقوں میں 6 مارچ 2020 سے جنگ بندی نافذ ہے جس کا اعلان دمشق کے اتحادی ماسکو اور ترکیہ نے مشترکہ طور پر کیا تھا۔ یہ تینوں ممالک الگ الگ دھڑوں کی حمایت کرتے ہیں۔