روس: اسکول میں فائرنگ، 5 طلبہ سمیت 9 افراد ہلاک، 20 زخمی

ماسکو: روس کے شہر ایزہیوکس میں مسلح شخص نے اسکول میں گھس کر اندھا دھند فائرنگ کرکے 9 افراد کو قتل کردیا ۔ فائرنگ سے 20 افراد زخمی بھی ہوئے۔ ہلاک ہونے والوں میں 5 طلبا، 2 اساتذہ اور 2 سیکیورٹی گارڈ شامل ہیں۔ پولیس کی آمد پر حملہ آور نے خود کو بھی گولی مار کر زندگی کا خاتمہ کرلیا۔ پولیس کا کہنا ہے کہ تاحال فائرنگ کے واقعے کی وجہ کا تعین نہیں ہوسکا ہے۔ ہلاک اور زخمی ہونے والوں کو قریبی اسپتال منتقل کردیا گیا ہے۔ حکام نے ہلاکتوں میں اضافے کا خدشہ ظاہر کیا ہے۔ روس میں حالیہ برسوں میں اسکولوں میں فائرنگ کے واقعات میں اضافہ ہوا ہے۔ مئی 2021 اور اپریل 2022 میں اسکول میں فائرنگ کے واقعات ہوئے تھے۔