Raza Musani 
ماسکو: روس میں یوکرین جنگ کیلئے فوجی بھرتیوں کے خلاف ردعمل میں شدت آگئی ہے اور مخالفین بھرتی مراکز پر حملے کررہے ہیں۔ ٹاؤن اسٹ لیمسک میں مسلح افراد نے فائرنگ کردی اور ایک فوجی افسر کو زخمی کردیا۔ گولیاں چلتے ہی کمرے میں موجود افراد زمین پر لیٹ گئے اور کچھ باہر بھاگ کھڑے ہوئے۔ پولیس نے حملہ آور کو گرفتار کرلیا۔ تشدد کا یہ سلسلہ عوام سے بھرتی کیلئے فوجی مراکز پر رپورٹ کرنے کی ہدایت کے بعد شروع ہوا۔ یورو پنکس نامی علاقے میں بھرتی مرکز پر پٹرول بم پھینکے گئے۔ حملہ آور کار میں سوار تھا اور مرکز کے داخلی دروازے پر بم پھینکے۔ فوٹیج میں دیکھا جاسکتا ہے کہ حملہ آور نے ایک کے بعد دوسرا بم پھینکا۔ جس سے عمارت میں آگ لگ گئی ملزم کو موقع سے گرفتار کرلیا گیا۔ اب تک مختلف علاقوں میں 20 بھرتی مراکز کو آگ لگائی جاچکی ہے۔
