Raza Musani 
تل ابیب : اسرائیل نے ہٹ دھرمی کا مظاہرہ کرتے ہوئے عالمی دباؤ مسترد کردیا اور واضح کیا کہ غزہ سٹی پر قبضے کے منصوبے پر مکمل عملدرآمد کیا جائےگا۔ صیہونی وزیر دفاع اسرائیل کاٹز نےکہا کہ جو ممالک اسرائیل کی مذمت کرتے ہیں اور پابندیوں کی دھمکیاں دیتے ہیں وہ ہمارے عزم کو کمزور نہیں کرسکیں گے۔ انہوں نے مزید کہا کہ دشمن ہمیں ایک مضبوط اور متحد مکے کے طور پر پائیں گے جو ان پر پوری قوت سے وار کرے گا۔
اس سے پہلے آسٹریلیا، جرمنی، اٹلی، نیوزی لینڈ اور برطانیہ کے وزرائے خارجہ نے مشترکہ بیان میں غزہ میں نئے فوجی آپریشن شروع کرنے کے اسرائیلی فیصلے کی شدید مذمت کی۔ بیان میں کہا گیاہےکہ اسرائیلی اقدام سے غزہ میں پہلے سے ہی تباہ کن صورت حال مزید بگڑ جائے گی۔
