قطر غزہ جنگ بندی کے مذاکرات میں ثالثی سے دستبردار

دوحہ :قطر غزہ میں جنگ بندی اور قیدیوں کی رہائی کے مذاکرات میں ثالثی سے دستبردار ہوگیا ہے۔ میڈیا رپورٹس کے مطابق قطر نے اسرائیلیوں اور حماس کو آگاہ کیا کہ جب تک معاہدے پر بات چیت سے انکار کیا جاتا رہے گا وہ ثالثی جاری نہیں رکھ سکیں گے۔ جب حماس اور اسرائیل مذاکرات کے لیے اپنی آمادگی ظاہر کریں گےتو وہ اپنا کام دوبارہ شروع کرے گا۔
یاد رہے کہ اس سے قبل سینئر امریکی حکام نے قطر سے کہا تھا کہ وہ دوحہ میں حماس کے نمائندوں کی موجودگی کو مزید قبول نہیں کرے گا کیونکہ حماس نے جنگ کے خاتمے کی تازہ تجاویز کو مسترد کردیاہے۔ قطر نے کہا ہے کہ دوحہ میں حماس کے سیاسی دفتر نے اپنا مقصد پورا نہیں کیا۔ دوسری طرف حماس کے ایک ذریعے نے العربیہ نیوز ویب سائٹ کو بتایا کہ انہیں دوحہ میں اپنے دفتر کی بندش کے بارے میں کسی فیصلے سے آگاہ نہیں کیا گیا ہے۔ ہمارے قطری ثالث کے ساتھ تعلقات اچھے ہیں اور وہ مذاکرات میں ہماری پوزیشن کو سمجھتا ہے۔