پیوٹن کی اسرائیل اور ایران تنازعہ میں ثالثی کی پیشکش

ماسکو: روسی صدر ولادیمیر پیوٹن نے اسرائیل اور ایران کے درمیان تنازعہ کے خاتمے کے لیے ثالثی کی پیشکش کردی۔ میڈیا سے گفتگو میں روسی صدر نے کہا کہ اسرائیل ایران تنازعہ ایک نازک مسئلہ ہے لیکن میری نظر میں اس کا حل تلاش کیا جا سکتا ہے۔ انہوں نے کہا کہ روس اسرائیل ایران تنازعہ میں بات چیت میں مدد کر سکتا ہے جس سے تہران کو اسرائیلی سلامتی کے خدشات کو کم کرتے ہوئے پرامن جوہری پروگرام کو آگے بڑھانے کا موقع مل سکے۔ پیوٹن نے کہا کہ انہوں نے اپنی تجاویز ایران، اسرائیل اور امریکہ کے ساتھ شیئر کردی ہیں۔انہوں نے کہا کہ ہم کسی پر کوئی چیز مسلط نہیں کر رہے ہیں ۔ ہم صرف اس بارے میں بات کررہے ہیں کہ کس طرح صورت حال سے نکلا جائے۔ لیکن اصل فیصلہ ایران اور اسرائیل کی سیاسی قیادت پر منحصر ہے۔