Raza Musani 
نئی دہلی: مودی حکومت کیخلاف احتجاج پر راہول گاندھی کو 50 ارکان پارلیمان کے ہمراہ گرفتار کر لیا گیا ، جبکہ بھارت کی سیاسی جماعت کانگریس کے رہنما راہول گاندھی کا کہنا ہے کہ بھارت پولیس اسٹیٹ اور وزیراعظم نریندر مودی بادشاہ ہیں۔ بھارتی میڈیا کے مطابق کانگریس رہنما راہول گاندھی نے دارالحکومت نئی دہلی اپنی جماعت کے ارکان اسمبلی کے ساتھ مہنگائی اور اپوزیشن جماعتوں کو سیاسی بنیادوں پر نشانہ بنانے کے خلاف مارچ کیا۔ راہول گاندھی نے بھارتی پارلیمنٹ اور سرکاری دفاتر کے قریب دھرنا بھی دیا۔پولیس نے راہول گاندھی سمیت کانگریس کے اراکین اسمبلی کو گرفتار کرکے قریبی تھانے منتقل کردیا۔گرفتاری کے وقت میڈیا سے گفتگو میں راہول گاندھی کا کہنا تھا کہ بھارت پولیس اسٹیٹ ہے اور وزیراعظم نریندر مودی بادشاہ ہیں۔دوسری جانب راہول گاندھی کی والدہ اور کانگریس رہنما سونیا گاندھی مسلسل دوسرے روز انفورسمنٹ ڈائرکٹوریٹ میں پیش ہوں گی۔
