Raza Musani 
واشنگٹن : امریکی ایلچی اسٹیو ویٹکوف نے کہا ہےکہ واشنگٹن پرامید اور پراعتماد ہے کہ آنے والے دنوں میں ہم غزہ کی جنگ کے حوالے سے کسی نہ کسی شکل میں پیش رفت کا اعلان کر سکیں گے۔ امریکی ایلچی نے بتایا کہ ٹرمپ اور ان کے وفد کی عرب و اسلامی ممالک کے رہنماؤں سے ملاقات انتہائی نتیجہ خیز رہی۔
انہوں نے کہا کہ ہم نے مشرقِ وسطیٰ اور غزہ کے لیے ٹرمپ کا 21 نکاتی امن منصوبہ پیش کیا۔ میرا خیال ہے یہ منصوبہ اسرائیل کے خدشات کے ساتھ ساتھ خطے کے دوسرے ہمسایہ ممالک کے تحفظات کو بھی ایڈریس کرتا ہے۔ انہوں نے کہا کہ ہم پرامید ہی نہیں، بلکہ پُراعتماد ہیں کہ جلد ہی ہم پیش رفت کا اعلان کر سکیں گے۔
امریکی ویب سائٹ پولیٹیکو کے مطابق ٹرمپ نے عرب رہنماؤں سے عہد کیا کہ وہ اسرائیل کو مغربی کنارے کو ضم کرنے کی اجازت نہیں دیں گے۔ مغربی کنارہ فلسطینی اتھارٹی کے ماتحت ہے، حماس کے نہیں، لہٰذا اسرائیل اسے ضم نہیں کر سکتا۔
