غزہ پر قبضہ کا منصوبہ، اسموٹرچ کی حکومت چھوڑنے کی دھمکی

تل ابیب: صیہونی وزیرخزانہ بیزالیل اسموٹرچ نے غزہ پر قبضے کا منصوبہ تبدیل نہ کرنے پر نیتن یاہو کی حکومت گرانے کی دھمکی دے دی۔ صیہونی وزیر خزانہ نے کہا کہ ان کی پارٹی کے نقطہ نظر سے کابینہ کا فیصلہ حکومت کے لیے شدید دھچکا تھا اور صحیح معنوں میں فتح اور حماس کو شکست دینے کے عزم سے پیچھے ہٹنا ہے۔ انہوں نے کہا کہ میرا اس بات سے اعتماد ختم ہوچکاہے کہ نیتن یاہو فوج کو فیصلہ کن فتح کی طرف لے جاسکتے ہیں۔ ایسا لگتا ہے کہ وہ فوج کو فیصلہ کُن فتح کی طرف لے جانا ہی نہیں چاہتے۔انہوں نے کہا کہ نیتن یاہو اور کابینہ نے فوجی آپریشن کرنے کا فیصلہ کیا جس کا مقصد فتح نہیں بلکہ قیدیوں کے جزوی معاہدے کے لیے حماس پر دباؤ ڈالنا ہے۔