زائرین کے قافلے آج شاہراہ پاکستان انچولی سے ریمدان بارڈر کی جانب روانہ ہوں گے

کراچی: کراچی سے زائرین کے قافلے آج شاہراہ پاکستان انچولی سے ریمدان بارڈرکی جانب روانہ ہوں گے۔ کاروان کی قیادت ایم ڈبلیو ایم کے سربراہ علامہ راجہ ناصر عباس جعفری کریں گے۔ کاروان میں تمام ملی تنظیمیں شامل ہونگی۔
سندھ بھر سے قافلوں کی کراچی آمد کا سلسلہ جاری ہے۔ ایم ڈبلیو ایم کی جانب سے زائرین کو ریمدان بارڈر تک چھوڑنے کیلئے بسوں کا اہتمام کیا گیا ہے۔ جو لوگ بارڈر تک جانا چاہتے ہیں وہ انچولی اور سولجربازار پر شام چار بجے تک پہنچ جائیں۔ وہ افراد جو بعض مصروفیات کی وجہ سے حب چوکی تک جانا چاہتے ہیں۔ ان کے لئے بھی جانے اور واپس آنے کے لئے علیحدہ سے ٹرانسپورٹ کا انتظام کیا گیا ہے۔