Raza Musani 
سمرقند : وزیراعظم شہباز شریف نے کہا ہے کہ موسمیاتی تبدیلی کے اثرات کی قیمت پاکستان نے سیلاب سے تباہ کاریوں کی صورت میں اداکی ہے، یہ آفت اور تباہی پاکستان کے لیے آخری ہوگی یا دیگر ممالک کو بھی ایسی صورتحال کاسامنا کرنا ہوگا۔ کسی بھی سیلاب سے اتنی تباہی نہیں آئی تھی۔ شنگھائی تعاون تنظیم کے سربراہ اجلاس سے خطاب میں شہباز شریف نے کہا کہ پاکستان میں سیلاب کی وجہ موسمیاتی تغیرات ہیں ، جس کے نتیجے میں 400 بچوں سمیت 1400 افراد جان سے ہاتھ دھو بیٹھے ہیں۔ مویشی ،فصلیں ،گھر، بستیاں اور شہر متاثر ہوئے۔ سیلاب متاثرین کو شدید مشکلات کا سامناہے ،دنیا کو ہماری مدد کے لیے آگے آناہوگا۔پڑوسی ملک افغانستان کو نظر انداز کرنا بہت بڑی غلطی ہو گی۔ پاکستان کا امن افغانستان میں امن سے جڑا ہے۔ افغانستان میں امن کے پورے خطے پر مثبت اثرات پڑیں گے۔ ترقی کے لیے انتہا پسندی اور علیحدگی پسندی کا خاتمہ بہت ضروری ہے ۔
