پاکستان عراق کے ساتھ برادرانہ تعلقات کو خصوصی اہمیت دیتا ہے، وزیر داخلہ

اسلام آباد: پاکستانی وزیر داخلہ رانا ثنا اللہ نے کہا کہ پاکستان عراق کے ساتھ برادرانہ تعلقات کو خصوصی اہمیت دیتا ہے، ‏پاکستان اور عراق کے درمیان تعلقات مذہب اور مشترکہ اقدار پر مبنی ہیں۔ عراق کے سفیر حامدعباس لفتہ سے ملاقات میں باہمی تجارت سمیت معاشی تعاون کو مزید بہتر بنانے پر اتفاق کیا گیا۔ وزیر داخلہ رانا ثنا اللہ نے کہا کہ پاکستان عراقی افسران کو پولیس اور فرانزک کے شعبہ میں تربیت کی سہولت فراہم کر سکتا ہے۔ عراقی سفیر نے وزیر داخلہ کو عراق کے دورے کی دعوت دی۔ وزیر داخلہ رانا ثنا اللہ نے دونوں ممالک کے تعلقات کو آگے بڑھانے میں عراقی سفیر حامدعباس لفتہ کی بھر پور کاوشوں کو سراہا۔