پاکستان اور ایران کا علاقائی سلامتی اور دہشت گردی کے خلاف مشترکہ تعاون پر اتفاق

اسلام آباد: ایران کے وزیر خارجہ عباس عراقچی اور پاکستان کے وزیر خارجہ سینیٹر محمد اسحاق ڈار نے ٹیلیفونک گفتگو میں دوطرفہ تعلقات، علاقائی سلامتی اور دہشت گردی کے خلاف مشترکہ تعاون پر اتفاق کیا۔ دونوں وزرائے خارجہ نے برادرانہ تعلقات کو مزید مضبوط بنانے، سیاسی، معاشی اور ثقافتی تعاون کو فروغ دینے پر زور دیا۔ عباس عراقچی اور محمد اسحاق ڈار نے کہا کہ ایران اور پاکستان خطے میں امن و استحکام کے لیے مشترکہ کردار ادا کریں گے اور عالمی و علاقائی فورمز پر بھی قریبی تعاون کو بڑھائیں گے۔ دونوں ملکوں نے اس بات پر بھی اتفاق کیا کہ علاقائی مسائل کے حل اور دہشت گردی کے خلاف مشترکہ جدوجہد ان کی بنیادی ترجیحات ہیں۔