Raza Musani 
غزہ : مقبوضہ علاقوں میں صیہونی فوجیوں اور مجاہدین میں شدید لڑائی جاری ہے۔ فوج اب تک مکمل قبضہ چھڑانے میں کامیاب نہیں ہوسکی ہے مزید فلسطینی مجاہدین مقبوضہ علاقوں میں داخل ہوگئے ہیں۔ دو دن سے جاری لڑائی میں بڑے پیمانے پر جانی اور مالی نقصان ہوا ہے۔ اسرائیلی حملے میں 300 سے زائد فلسطینی شہید اور دو ہزار سے زائد زخمی ہوگئے۔ جبکہ حماس کی کارروائی میں چھ سو سے زائد اسرائیلی ہلاک اور دو ہزار سے زائد زخمی ہوچکے ہیں۔ جس میں 44 فوجی بھی شامل ہیں۔ جبکہ حماس نے بڑی تعداد میں صیہونیوں کو جنگی قیدی بھی بنایا ہے۔
ادھر صیہونی فوج نے غزہ پر بڑے زمینی حملے کی تیاری کرلی۔ بڑے پیمانے پر ٹینک۔ بکتر گاڑیاں اور فوجیوں کو غزہ کی سرحد پر پہنچادیا گیا ہے۔ تمام شہریوں کو غزہ سے نکل جانے کا حکم بھی دے دیا۔ اسرائیلی حکام نے غزہ کے نزدیک تمام صیہونی بستیوں کو بھی چوبیس گھنٹے میں انخلا کا حکم بھی دے دیا۔ دوسری جانب حماس کا آپریشن طوفان الاقصیٰ بھی بھرپور طریقے سے جاری ہے اور بڑی جنگ کیلئے مزید نوجوانوں کو شامل ہونے کی اپیل کی گئی ہے۔
