الشفا ہسپتال سے کوئی یرغمالی نہیں ملا، اسرائیلی ریڈیو

تل ابیب: اسرائیلی فوج غزہ کے الشفاء ہسپتال پر دھاوے، سرچ آپریشن اور کئی افراد کو موت کے گھاٹ اتارنے کے بعد اس دعویٰ سے مکر گئی ہے کہ حماس نے اسپتال کے تہہ خانے میں کچھ یرغمالیوں کو رکھا ہے۔ اس سے قبل قابض اسرائیلی فوج نے دعویٰ کیا تھا کہ غزہ کے الشفاء ہسپتال کے تہہ خانے میں حماس نے یرغمال بنائے گئے اسرائلیوں کو قید کیا ہے اور ساتھ ہی حماس نے ہسپتال کے نیچے سرنگیں بنا رکھی ہیں۔ اسرائیلی آرمی ریڈیو کی رپورٹ کے مطابق فوج نے بتایا کہ مذکورہ کمپاؤنڈ میں قیدیوں کی موجودگی کے ابھی تک کوئی اشارے نہیں ملے ہیں۔ تلاش اور معائنے کا عمل جاری ہے۔