Raza Musani 
ابوجا : افریقی ملک نائیجیریا میں جلوس اربعین پر سیکیورٹی فورسسز کی فائرنگ سے 8 عزادار شہید اور درجنوں زخمی ہوگئے جبکہ متعدد کو گرفتار کرلیا گیا،نائیجیریا کے درالحکومت ابوجا میں اسلامی تحریک کے زیر اہتمام چہلم کا ماتمی جلوس نکالا گیا، جلوس جب ابوجا کبوا ایکسپریس وے پہنچا تو سیکیورٹی فورسسز نے روک دیا اور عزاداروں کو آگے بڑھنے سے روکنے کیلئے پہلے آنسوگیس کی شیلنگ کی اور پھر براہ راست گولیاں چلادیں، اسلامی تحریک کو نائیجیریا کی حکومت نے 2019 میں کالعدم تنظیم قرار دیتے ہوئے پابندی عائد کر دی تھی، تنظیم کے رہنما شیخ ابراہیم زکزاکی کو بھی گرفتار کر لیا گیا تھا، آیت اللہ ابراہیم زکزاکی اور ان کی اہلیہ 2015 سے قید میں تھے اور گزشتہ ماہ ہی عدالت نے انہیں رہا کیا ہے۔
