Raza Musani 
تہران : ایران میں زیر حراست مہسا امینی کی پہلی برسی کے موقع پر امریکا۔ یورپی یونین اور برطانیہ نے نئی پابندیوں کا اعلان کردیا۔ امریکی محکمہ خزانہ نے 25 ایرانی عہدیداروں اور ایک انٹرنیٹ سنسرشپ فرم کو پابندیوں کی بلیک لسٹ میں شامل کیا ہے۔ بتایا گیا ہےکہ ان سب کا تعلق امینی کی موت کے بعد مظاہروں کو دبانے سے ہے۔ جیلوں کی تنظیم کے سربراہ غلام علی محمدی پر بھی انسانی حقوق کی خلاف ورزیوں پر پابندیاں عائد کی گئی ہیں۔ تین سرکاری میڈیا گروپس پریس ٹی وی، تسنیم نیوز اور فارس نیوز کو بھی بلیک لسٹ کردیا گیا ہے۔ یورپی یونین نے اپنی بلیک لسٹ میں چار ایرانی عہدیداروں کو شامل کیا ہے۔ برطانیہ نے وزیر ثقافت و اسلامی رہنمائی محمد مہدی اسماعیلی، تہران کے میئر علی رضا زاکانی اور ایرانی پولیس کے ترجمان سعید منتظر المہدی پر پابندی لگائی ہے برطانوی وزیر خارجہ جیمز کلیورلی نے کہا ہےکہ یہ پابندیاں ایک واضح پیغام دیتی ہیں کہ برطانیہ اور ہمارے شراکت دار ایرانی خواتین کے ساتھ کھڑے ہیں۔
