Raza Musani 
تہران :ایرانی وزیر خارجہ حسین امیر عبداللہیان نے سعودی عرب سے تعلقات کی بحالی کیلئے جلد مذاکرات دوبارہ شروع ہونے کا اشارہ دے دیا۔قطری ہم منصب کےساتھ تہران میں مشترکہ پریس کانفرنس کے دوران حسین امیرعبداللہیان نے کہاکہ کویت اور متحدہ عرب امارات کے ساتھ ایران کے تعلقات میں بہتری آئی ہے کیونکہ دونوں عرب ریاستوں نے پہلے ہی اپنے سفیروں کو تہران واپس بھیج دیا ہے۔ بحرین کے درمیان بالواسطہ پیغامات کا تبادلہ بھی ثالث کے ذریعے جاری ہے انہوں نے کہا کہ امید ہے کہ سعودی عرب کے ساتھ بھی تعلقات معمول پر لانے کیلئے مذاکرات جلد شروع ہوجائیں گے۔ اس سے پہلے عراقی وزیر خارجہ فواد حسین نے ایک انٹرویو میں کہا تھا کہ سعودی ولی عہد بن سلمان نےعراقی حکام پر زور دیا ہے کہ وہ ایرانی اور سعودی وزرائے خارجہ کی براہ راست ملاقات کا اہتمام کریں۔
