مذاکرات ہی افغانستان میں پائیدار امن کا راستہ ہیں، ایرانی وزیرخارجہ

تہران : ایران کے وزیر خارجہ محمد جواد ظریف نے کہا ہے کہ ان کا ملک افغانستان میں مصالحت کی کوشش جاری رکھے گا، افغانستان کے سابق صدر حامد کرزئی کے نام جوابی ٹوئٹ میں محمد جواد ظریف نے لکھا کہ جنگ اور تشدد افغانستان کے مسئلہ کا حل نہیں ہے، افغانستان کی کوآرڈینیشن کونسل اور دیگر افغان رہنماؤں کے درمیان مذاکرات ہی اس ملک میں پائیدار امن کا راستہ ہموار کرسکتے ہیں۔